Суперлига 1-даврасининг эътиборли ўйинларидан бири бугун Самарқандда бўлиб ўтади. 63 йиллик қарама-қаршилик тарихига эга азалий рақиблар «Динамо» ва «Нефтчи» ўзаро тўқнаш келади.

Ўзаро ўйинлар тарихи
1960 йилда ташкил топган Самарқанд клуби ва 1962 йилда ташкил этилган Фарғона жамоаси Собиқ Иттифоқ чемпионатларидан ташқари, 1992 йилдан старт олган Ўзбекистон чемпионатлари тарихида ўзаро 56 марта тўқнаш келган.

Суперлига ва Про лигадаги натижалар «Нефтчи»нинг устунлигини кўрсатмоқда. Фарғоналиклар 56 баҳснинг 38тасида ғалаба қозонган. Аксарият ғалабалар «Нефтчи»нинг 26 йиллик устози Юрий Саркисян даврига тўғри келади. 14 учрашувда «Динамо»нинг қўли баланд келган. 4та ўйинда эса дуранг қайд этилган.

Тўплар нисбати ҳам «Нефтчи» фойдасига 98-46. Ўйинларда «Нефтчи» 118 очкони қўлга киритган бўлса, «Динамо» 46 очкога эга бўлган.