"ПСЖ"нинг "Борнмут" билан украиналик ҳимоячи Иля Забарний трансфери бўйича музокараларининг янги тафсилотлари маълум бўлди.
Клублар эҳтимолий трансферни муҳокама қилишда давом этмоқда, бироқ ҳозирча нарх борасида келиша олмаяпти, деб ёзади журналист Фабрис Хоукинс ижтимоий тармоқдаги саҳифасида.
"ПСЖ" футболчи учун 60 млн евро тўлашга тайёр, инглизлар эса камида 70 млн евро талаб қилмоқда.
22 ёшли украиналикнинг ўзи фаолиятини Париж клубида давом эттиришни истамоқда.
Аввалроқ, россиялик дарвозабон Матвей Сафонов агар Забарний келса, "ПСЖ"ни тарк этиши мумкинлиги ҳақида хабарлар тарқалганди.
ОАВда тахмин қилинган вариантлар орасида Сафоновнинг "Борнмут"га қайтиши ҳам бор эди, чунки клуб дарвозабонга муҳтож.
