"Реал" бош мураббийи лавозимида ишлаб келаётган Хаби Алонсо жамоанинг ўнг қанот ҳимоячиси Трент Александр-Арнольд ҳақида гапирди.
Клублар ўртасидаги жаҳон чемпионатида "Ювентус"га қарши ўйинда (1:0) Трент Гонсало Гарсияга голли узатмани амалга оширди.
"Гонсалога кесиб узатилган узатма - Трентнинг услуби. У фаолияти давомида 500 та шундай узатмани амалга оширган. У уни жуда эҳтиёткорлик билан, керакли нуқтада амалга оширди. Дриблинг унинг фишкаси эмас, шунинг учун бизга ўнг томондан қўшимча оёқ керак. Бунинг устида ишлаяпмиз. Трент учун бу чақириқ - у "Реал"да деярли тайёргарликсиз ўйнай бошлади. У келди-ю, дарҳол ўйинга тушди. Ҳамма нарсага вақт керак," - деди Алонсо DAZN'га.
