Дортмунднинг "Боруссия" клуби аргентиналик ҳужумчи Лионель Месси тўп тепаётган "Интер Майами" клубининг машғулот базасида клублар ўртасидаги жаҳон чемпионатининг 1/4 финал баҳсига тайёргарлик кўрмоқда.
Эслатиб ўтамиз, Германия жамоаси мусобақанинг 1/8 финалида Мексиканинг "Монтеррей" жамоаси устидан 2:1 ҳисобида ғалаба қозонди. Чорак финалда Нико Ковач шогирдлари Мадриднинг "Реал" клуби билан куч синашади. Немислар ва испанлар ўртасидаги баҳс 5 июль куни бўлиб ўтади.
Аввалроқ, Opta таҳлилчилари жамоаларнинг турнирда ғалаба қозониш имкониятларини баҳолаган эди. Энг катта имкониятга чорак финалда Бразилиянинг "Палмейрас" клуби билан тўқнаш келадиган Лондоннинг "Челси" клуби эга.
