"Челси" бош мураббийи Энцо Мареска ўз жамоаси дарвозасига Эстевао Виллиан урган гол ҳақидаги фикрини билдирди.
18 ёшли футболчи "Палмейрас" сафидаги сўнгги ўйинини ўтказди - клублар жаҳон чемпионатидан сўнг у айнан "Челси" сафига қўшилади. Бразилиялик 1/4 финал баҳсида келажакдаги жамоасига гол урди, аммо ғалаба барибир "кўклар"да қолди - 2:1. Ўйин якунида бўлган автогол ўйин натижасини ҳал қилди.
"Мен ғалаба қозонганимиздан хурсандман, лекин гол урган Эстевао учун ҳам қувончим чексиз. Бу ажойиб кеча бўлди," - деди Мареска DAZN билан суҳбатда.
Клублар жаҳон чемпионати ярим финалида "Челси" "Флуминенсе"га қарши майдонга тушади.
