Лондоннинг "Арсенал" клуби устози Микель Артета Лиссабоннинг "Спортинг" клуби ҳужумчиси Виктор Дьёкерешнинг трансферини расмийлаштиришни тезлаштириш бўйича кўрсатма берди. Бу ҳақда Mirror нашри хабар бермоқда.
Агар келишув барбод бўлса, "канонирлар" эътиборини яна икки ҳужумчига қаратади - Беньямин Шешко ("РБ Лейпциг") ва Олли Уоткинс ("Астон Вилла").
Дьёкереш 2028 йилнинг ярмигача португал клуби билан меҳнат мажбуриятлари билан боғланган. Унинг бозор қиймати 75 миллион еврога баҳоланмоқда. Ўтган мавсумда швециялик тўпурар 52 та учрашувда майдонга тушиб, 54 та гол урди ва 13 та голли узатмани амалга оширди.













