Нико Уильямснинг трансфери барбод бўлгач, "Барселона" бошқа вингерларга эътибор қаратмоқда. Каталонияликлар "Ливерпуль"дан Луис Диас ва "Манчестер Юнайтед"дан Маркус Рэшфорд билан боғланган.
AS хабарига кўра, "Барселона" Диасни қўлга киритиш устида иш олиб боради. Рэшфордга келсак, унинг номзоди ҳозир кун тартибида эмас. Деку ва Ханс-Дитер Флик инглизни устувор деб ҳисобламайдилар. "Кўк-анорранглилар" майдонда ўзини қурбон қилишга, етакчи бўлишга ва ёшларга ўрнак кўрсатишга одатланган футболчини ўз сафига қўшиб олмоқчи. Гарчи Рэшфорд жиддий молиявий ён босишларга тайёр бўлса-да, бу борада ҳам Диас юқорироқ туради.
Шу билан бирга, "Барселона" 28 ёшли Диасни сотиб олишга шошилмаслиги таъкидланмоқда. "Бу спринтдан кўра кўпроқ марафон пойгаси бўлади," - дея таъкидлади манба.
