Niko Uilyamsning transferi barbod bo‘lgach, "Barselona" boshqa vingerlarga e’tibor qaratmoqda. Kataloniyaliklar "Liverpul"dan Luis Dias va "Manchester Yunayted"dan Markus Reshford bilan bog‘langan.
AS xabariga ko‘ra, "Barselona" Diasni qo‘lga kiritish ustida ish olib boradi. Reshfordga kelsak, uning nomzodi hozir kun tartibida emas. Deku va Xans-Diter Flik inglizni ustuvor deb hisoblamaydilar. "Ko‘k-anorranglilar" maydonda o‘zini qurbon qilishga, yetakchi bo‘lishga va yoshlarga o‘rnak ko‘rsatishga odatlangan futbolchini o‘z safiga qo‘shib olmoqchi. Garchi Reshford jiddiy moliyaviy yon bosishlarga tayyor bo‘lsa-da, bu borada ham Dias yuqoriroq turadi.
Shu bilan birga, "Barselona" 28 yoshli Diasni sotib olishga shoshilmasligi ta’kidlanmoqda. "Bu sprintdan ko‘ra ko‘proq marafon poygasi bo‘ladi," - deya ta’kidladi manba.
