Автоҳалокатда вафот этган Диогу Жотанинг ҳаётидаги энг яқин дўсти, Португалия терма жамоаси ва "Ал-Ҳилол" ярим ҳимоячиси Рубен Невеш ўз дўстига хайрлашув мактубини ёзди.

"Ҳа, биз ҳеч қачон ҳиссиётга берилувчан одамлардан бўлмаганмиз, балки энди шунга бироз афсус қилаётгандирман. Лекин мен сен учун қандай қадрли бўлсам, сен ҳам мен учун шундай қадрли эканлигингни яхши биласан. Сен мен учун дўстдан ҳам ортиқсан — менинг оиламсан. Ҳатто биздан узоқларга кетган бўлсанг ҳам.

Бундан кейин ҳам терма жамоага ҳар келганимда, мен билан бўласан: стол атрофида, автобусда, самолётда… Ҳар доим ёнимда, ҳар доим қалбимда, аввал қандай бўлган бўлса, шундай қолади. Биз яна кулишда, режалар тузишда, ҳамма нарсалар билан ўртоқлашишда давом этамиз. Сен ҳаётимнинг бир бўлаги бўлишинг учун қўлимдан келганини қиламан, сенинг яқинларинг яхши бўлишлари учун ҳам қайғураман.

Ҳаёт бизларни тўқнаштирди, энди ҳеч нарса бизларни ажрата олмайди. Биз аллақачон жуда кўп нарсаларга эришдик, ва биламан — олдиндаги йўлимиз бундан ҳам каттароқ бўлади. Бугундан бошлаб сен доимо мен билан бирга майдонга чиқасан. Ва биз давом этамиз — ҳаммаси бошланган жойдан.

Сени яхши кўраман", - деб ёзди Невеш ўз Instagram саҳифасида.