Футбол олами Диого Жота ва унинг укаси Андре Силванинг вафоти муносабати билан мотам тутмоқда. Пайшанба куни футболчилар Испанияда даҳшатли йўл-транспорт ҳодисасида ҳалок бўлишди.
Шанба куни Жота ва Силва Гондомарда дафн қилинди. Дафн маросимига "Ливерпуль" футболчилари ва Жота билан бирга ўйнаган бошқа клуб футболчилари келишди. "Ал-Ҳилол"дан Рубен Невеш АҚШдаги клублар ўртасидаги жаҳон чемпионатида "Ал-Ҳилол" сафида ўйнагач, дафн маросими учун дарҳол Португалияга учиб кетди. Бироқ Португалия терма жамоаси сардори Криштиану Роналду дафн маросимида бўлмаган.
Mirror нашри хабарига кўра, Роналдунинг йўқлигининг тахминий сабаби португалияликнинг унинг келиши Жота ва Силва билан хайрлашув маросимига соя солиб қўядиган ноқулай вазиятдан қўрқишидир.
