Мадриднинг "Реал" клуби бош мураббийи Хаби Алонсо хавбек Федерико Вальверденинг универсаллигидан мамнуният билан фойдаланмоқда.
26 ёшли футболчи КЎЖЧ 1/4 финалининг бугунги баҳсини Дортмунднинг "Боруссия" жамоаси билан майдон марказида бошлади ва учрашув давомида ўнг қанот ҳимоячисига айланди. Шундай қилиб, "қаймоқранглилар" бошқарувида атиги беш ўйинда Алонсо уругвайлик футболчини таянч, марказий ярим ҳимоячи, ўнг қанот ҳимоячиси ва ўнг қанот ҳужумчиси позицияларида синаб кўришга муваффақ бўлди.
Хаби Алонсо июнь ойи бошида Карло Анчелотти ўрнига ўз лавозимини эгаллади. Италиялик мутахассис бошқа ҳимоячиларнинг жароҳатлари туфайли Вальвердени ўнг қанот ҳимоясида тез-тез ўйнатган.
