"Бавария" ҳужумчиси Томас Мюллер "Бавария" билан шартномани узайтириш ҳақидаги саволга жавоб берди. Бундай гап-сўзларга Жамол Мусиаланинг оғир жароҳати сабаб бўлди: 22 ёшли ҳужумкор ярим ҳимоячи клублар ўртасидаги жаҳон чемпионатининг 1/4 финали доирасида "ПСЖ"га қарши ўйинда кичик болдир суяги синганлиги сабабли тўрт-беш ойни ўтказиб юборади.
Мюллернинг шартномаси тугамоқда ва парижликлар билан ютқазган учрашуви (0:2) Мюллер учун Мюнхен клубидаги сўнггиси бўлади, аммо матбуотда "Бавария" фахрийга Мусиала жароҳати туфайли шошилинч равишда қисқа муддатли шартнома таклиф қилиши мумкинлиги айтилди.
"Бу саволни нега бераётганингизни тушунаман, аммо, ростини айтсам, бу менга бироз ноқулайлик туғдирмоқда," - дея жавоб берди Мюллер DAZN билан суҳбатда.
35 ёшли форвард фаолиятининг илк кунлариданоқ "Бавария" шарафини ҳимоя қилиб келмоқда.
