Мадриднинг "Реал" клуби устози Хаби Алонсо шогирдларининг клублар ўртасидаги жаҳон чемпионати чорак финалидаги ғалабасига изоҳ берди.
Дортмунднинг "Боруссия" жамоаси билан кечган учрашув 3:2 ҳисобида якунланди.
"Бизда ҳақиқатан ҳам барчаси назорат остида эди, рақибга жуда кам имконият бердик. Бироқ сўнгги дақиқалар тартибсиз ўтди, биз шиддатни йўқотдик. Умуман олганда, биз 80 дақиқани яхши ўтказдик, қолган 10 дақиқа унчалик омадли бўлмади. Бугун кўплаб ижобий вазиятлар бўлди, кейинги ўйинни интиқлик билан кутамиз. "ПСЖ" билан учрашув биз учун жиддий синов бўлади," - дея Алонсонинг сўзларини келтиради ФИФА сайти.
