Madridning "Real" klubi ustozi Xabi Alonso shogirdlarining klublar o‘rtasidagi jahon chempionati chorak finalidagi g‘alabasiga izoh berdi.
Dortmundning "Borussiya" jamoasi bilan kechgan uchrashuv 3:2 hisobida yakunlandi.
"Bizda haqiqatan ham barchasi nazorat ostida edi, raqibga juda kam imkoniyat berdik. Biroq so‘nggi daqiqalar tartibsiz o‘tdi, biz shiddatni yo‘qotdik. Umuman olganda, biz 80 daqiqani yaxshi o‘tkazdik, qolgan 10 daqiqa unchalik omadli bo‘lmadi. Bugun ko‘plab ijobiy vaziyatlar bo‘ldi, keyingi o‘yinni intiqlik bilan kutamiz. "PSJ" bilan uchrashuv biz uchun jiddiy sinov bo‘ladi," - deya Alonsoning so‘zlarini keltiradi FIFA sayti.
