Мадриднинг "Реал" клуби ўнг қанот ҳимоячиси Трент Александр-Арнольд клублар ўртасидаги жаҳон чемпионати чорак финалида Дортмунднинг "Боруссия"сига қарши ўйиндан сўнг (3:2) журналистлар билан суҳбатлашди.
Англиялик футболчи "қаймоқранглилар"га ярим финал йўлланмасини қўлга киритишга ёрдам бериб, 67-дақиқагача ўйнади ва голли узатмани амалга оширди.
"Беллингем? Жуд дунёдаги энг яхши ярим ҳимоячилардан бири, агар энг яхшиси бўлмаса, у билан ўйнаш жуда ёқимли. Менимча, у Феде [Вальверде] билан тахт учун курашмоқда," - дея Трентнинг сўзларини келтиради SportyTV.
