Мадриднинг "Реал" клуби ҳужумчиси Килиан Мбаппе клублар ўртасидаги жаҳон чемпионатининг 1/4 финалидан ўрин олган "Боруссия" Дортмундга қарши ўйинни якунлагач, стадионда ушланиб қолишига тўғри келди.
Француз иккинчи бўлимда захирадан майдонга тушди ва 94-дақиқада гол уриб, таблода 3:1 ҳисобини ўрнатди. Гол жамоага ғалаба келтирди, чунки қолган вақтда "асаларилар" орадаги фарқни яна 1 тага қисқартиришга муваффақ бўлишди. El Chiringuito хабарига кўра, учрашув якунлангач, Мбаппе бир соатга стадионда ушлаб турилган - унга антидопинг назоратидан ўтишга тўғри келган.
Килиан Мбаппе касаллиги туфайли КЎЖЧ гуруҳ босқичи ўйинларида иштирок этмади ва плей-оффнинг иккала ўйинида ҳам захирадан майдонга тушди.
