"Бенфика" ярим ҳимоячи Жоау Феликсни қайтаришга қарши эмас.
Лиссабон клуби 25 ёшли "Челси" ва Португалия терма жамоаси футболчиси учун тахминан 30 миллион евро таклиф қилишга тайёр, аммо ўтган мавсумнинг иккинчи ярмини "Милан"да ижарада ўтказган футболчининг юқори маоши тўсиқ бўлиши мумкин.
Феликснинг ўзи "бургутлар"га қайтишни истаётганини тан олди: "Бенфика" менинг уйим, бир кун келиб мен қайтаман. Бу ҳозир ёки бир неча йил ичида содир бўладими, билмайман. Агар ҳозир бўлса, мен бахтли бўламан", деган эди у.
Ўтган мавсумда "Челси" ва "Милан" сафида барча мусобақаларда 41 та ўйинда майдонга тушган ярим ҳимоячи 10 та гол урди ва 4 та голли узатмани амалга оширди.
