"Реал"нинг собиқ ярим ҳимоячиси Тони Кроос "Лос-Бланкос"нинг 39 ёшли ярим ҳимоячиси Лука Модрич ёши катта бўлишига қарамай, ўзининг ноёб футбол фазилатларини йўқотмаслигини таъкидлади.
"У ҳеч қачон тўп билан ўйнаш қобилиятини йўқотмайди, бунга шубҳам йўқ. Лука ҳар доим ўзига хос футболчи бўлган. Очиғи, жисмонан у аввалгидек эмас, бу нормал ҳолат, у 40 ёшга яқинлашиб қолди.
Шу боисдан сўнгги йилларда у камроқ ўйнай бошлади, бу ҳам нормал ҳолат. Бироқ, Лука ўйнашда давом этмоқда, у ўзини яхши ушлаб туради ва ўз ҳиссасини қўшади. Менимча, энг муҳими Модрич нафақат майдонда, балки ундан ташқарида ҳам футболчилик ҳаётидан завқ олади. Жамоа билан бирга бўлиш, саёҳат қилиш, ўйнаш... У ҳеч қачон оёқлари қила оладиган маҳоратни йўқотмайди", - дейди Кроос.
