"Вест Хэм" клуби қанот ҳужумчиси Муҳаммад Кудус фаолиятини фақат "Тоттенхэм"да давом эттирмоқчи. Бундай маълумотлар билан инсайдер Фабрицио Романо бўлишди.
Манбага кўра, Муҳаммад Кудус бу босқичда фақат "Тоттенхэм" билан музокара олиб бормоқда, чунки у бошқа клубларга ўтишни истамаяпти. Қайд этилишича, футболчи аллақачон "шпорлар"га ўз розилигини берган, аммо жамоалар ҳали барчасини ўзаро ҳал қилишлари керак.
Кудус 2024/25 йилги мавсумда барча мусобақаларда 35 та ўйинда майдонга тушиб, 5 марта рақиблар дарвозасини ишғол қилди ва 4 та голли узатмани ўз ҳисобига ёздириб қўйди.
