Давиде Фраттези бўлажак операциядан кейин "Интер"да қолиши мумкин.
Келаси ҳафта "нерадзурри" ярим ҳимоячиси Миланда тос чуррасидан операция қилинади.
Футболчи узоқ вақт оғриқдан азият чекди ва шу сабабдан клублар ўртасидаги жаҳон чемпионатини 1/8 финал олдидан тарк этишга мажбур бўлди.
Миланликлар 25 ёшли футболчини 40 миллион еврога сотишлари мумкин, аммо сотишга шошилишмоқчи эмас.
Ўтган мавсумда Фраттези А Серияда 28 та ўйинда майдонга тушиб, 5 та гол урди ва 1 та голли узатмани амалга оширди.
