"Реал" янги мавсумга тайёргарлик кўрмоқда ва клублар ўртасидаги жаҳон чемпионатидан кейин жамоа таркиби ўзгариши мумкин. El Chiringuito ТВ дастурида "қаймоқранглилар" ёзда Эндрикни ижарага бермоқчи экани ҳақида маълумот берилди.
21 июль куни Эндрик 19 ёшга тўлади. Форвард бир йил олдин "Реал" таркибини тўлдирди. Ўшандан бери бразилиялик 37 та ўйинда қатнашиб, еттита гол урди ва битта голли узатмани амалга оширди. Умуман олганда, ёш футболчи у қадар кўп ўйин амалиётига эга бўлмади.
Айтиш керакки, ёзда "Реал" таркибида иқтидорли ҳужумчи Гонсало Гарсия ўзини кўрсатди. 21 ёшли футболчи клублар ўртасидаги жаҳон чемпионатида бешта ўйинда майдонга тушиб, тўртта гол урган.
