Ҳужумчи Жон Дуран "Ан-Наср"ни тарк этди. Саудияликлар қишда футболчи учун 77 миллион евро тўлаганди, аммо энди Дуран Европага қайтди. Тўғри, гап тўлақонли трансфер ҳақида кетмаяпти. "Фенербаҳче" ўзининг расмий сайтида 21 ёшли колумбиялик футболчини 2025/2026 йилги мавсум учун ижарага олганини эълон қилди.
Дуран ўтган мавсумнинг иккинчи қисмида Криштиану Роналду билан бирга ўйнаган. Энди эса колумбиялик яна бир машҳур португалиялик - "Фенербахче" бош мураббийи Жозе Моуриньо ҳузурига йўл олди.
Ўтган мавсумда "Фенербахче" Туркия чемпионатида иккинчи ўринни эгаллаган эди. Жамоа "Галатасарой"дан 11 очко кам тўплади.
