Hujumchi Jon Duran "An-Nasr"ni tark etdi. Saudiyaliklar qishda futbolchi uchun 77 million yevro to‘lagandi, ammo endi Duran Yevropaga qaytdi. To‘g‘ri, gap to‘laqonli transfer haqida ketmayapti. "Fenerbahche" o‘zining rasmiy saytida 21 yoshli kolumbiyalik futbolchini 2025/2026 yilgi mavsum uchun ijaraga olganini e’lon qildi.
Duran o‘tgan mavsumning ikkinchi qismida Krishtianu Ronaldu bilan birga o‘ynagan. Endi esa kolumbiyalik yana bir mashhur portugaliyalik - "Fenerbaxche" bosh murabbiyi Joze Mourinyo huzuriga yo‘l oldi.
O‘tgan mavsumda "Fenerbaxche" Turkiya chempionatida ikkinchi o‘rinni egallagan edi. Jamoa "Galatasaroy"dan 11 ochko kam to‘pladi.













