“Реал” ҳужумчиси Килиан Мбаппе клуб тарихидаги рекордчига айланди.
Франциялик футболчи яқинда клублар ўртасидаги жаҳон чемпионатининг чорак финалида Дортмунднинг “Боруссия”сига қарши ўйинда (3:2) гол урди. Madrid Xtra қайд этганидек, Мбаппе "Лос Бланкос" тарихида бир мавсумда етти хил турнирда жамоа учун гол урган биринчи футболчидир.
Юлдуз форвард аввалроқ Ла Лига, Чемпионлар Лигаси, Испания кубоги, Европа Суперкубоги, Испания Суперкубоги ва Қитъалараро кубокдаги “Реал Мадрид” рақиблари дарвозасига гол урган.
Килиан Мбаппе ўтган ёзда "ПСЖ"дан "Реал"га ўтган эди. 26 ёшли футболчи Мадрид клуби сафида барча турнирларда 58 та ўйинда майдонга тушиб, 44 та гол урган.













