ЦСКА ярим ҳимоячиси Аббосбек Файзуллаев Истанбулга кўчиб ўтиши мумкин.
Туркия клуби яқин кунларда Ўзбекистон миллий терма жамоасининг 21 ёшли футболчиси учун таклиф билан чиқиши эҳтимоли бор, "ҳарбийлар" эса уни қўйиб юборишни истамаяпти, дея хабар беради инсайдер Иван Карпов.
Агар Файзуллаев кетадиган бўлса, ЦСКА, манбага кўра, "Ростов"дан 22 ёшли Иван Комаровнинг трансферини кўриб чиқади.
Файзуллаев ўтган мавсумда "қизил-кўклар" сафида барча турнирларда 39 та ўйинда майдонга тушиб, 3 та гол ва 8 та голли узатмага муаллифлик қилган.













