SSKA yarim himoyachisi Abbosbek Fayzullayev Istanbulga ko‘chib o‘tishi mumkin.
Turkiya klubi yaqin kunlarda O‘zbekiston milliy terma jamoasining 21 yoshli futbolchisi uchun taklif bilan chiqishi ehtimoli bor, "harbiylar" esa uni qo‘yib yuborishni istamayapti, deya xabar beradi insayder Ivan Karpov.
Agar Fayzullayev ketadigan bo‘lsa, SSKA, manbaga ko‘ra, "Rostov"dan 22 yoshli Ivan Komarovning transferini ko‘rib chiqadi.
Fayzullayev o‘tgan mavsumda "qizil-ko‘klar" safida barcha turnirlarda 39 ta o‘yinda maydonga tushib, 3 ta gol va 8 ta golli uzatmaga mualliflik qilgan.













