"ПСЖ" ҳимоячиси Ашраф Ҳакими клублар ўртасидаги жаҳон чемпионатининг "Реал"га қарши бўлиб ўтадиган ўйин ҳақидаги фикрлари билан ўртоқлашди. Шунингдек, Париж клубидаги собиқ жамоадоши Килиан Мбаппе ҳақида ҳам фикр билдирди.
"Мен Мбаппега Жаҳон чемпионати бошида қўнғироқ қилдим ва у билан дўст сифатида гаплашдим. У менга бироз касал эканлигини айтди, аммо ҳозир у 100 фоиз соғлом ва ўйнашга тайёр.
Айтганимдек, у менинг яхши дўстим, лекин мен жамоамнинг шарафини ҳимоя қиламан ва бу энг муҳими.
Бизни қизиқарли ўйин кутиб турибди", - деди Ҳакими.
"ПСЖ" - "Реал" учрашуви 9 июль куни бўлиб ўтади, ўйин Тошкент вақти билан соат 23:59да бошланади.
