"Милан" вингери Рафаэль Леау тез орада жамоани тарк этадиган Тео Эрнандес билан хайрлашди.
Франциялик чап қанот ҳимоячиси Саудия Арабистонининг "Ал-Ҳилол" клубига ўтади. Битимнинг барча шартлари аллақачон келишилган.
"Кўп ўйинларда бирга бўлган биродарим. Яхши-ёмон кунларни бирга ўтказдик, лекин сиз билан майдонни баҳам кўриш менга ёқди, ака. Фаолиятингизнинг янги бобида омад тилайман. Мен сизни жуда соғинаман, чунки сиз мен учун муҳимсиз. Ҳаммаси бошқача тугаши мумкин эди, лекин ҳаёт синовларга тўла. Мен сизни қўллаб-қувватлашда давом этаман. Тео," - деб ёзди португалиялик ижтимоий тармоқда.
