"Флуминенсе" клуби марказий ҳимоячиси Тьяго Силва клублар ўртасидаги жаҳон чемпионати ярим финалидан ўрин олган "Челси"га қарши ўйиндан нималар кутаётгани ҳақида гапирди.
Беллашув сешанба куни бўлиб ўтади ва Тошкент вақти билан 00:00 да бошланиши режалаштирилган.
"Челси" билан учрашганимдан хурсандман, мен учун бу ўзига хос ўйин бўлади, аммо финалга чиқсак, янада ўзига хос бўлади. Энцо Марескани унчалик яхши билмайман, аммо "Челси"нинг кўплаб футболчиларини биламан. Уларнинг баъзилари менга жуда яқин, деярли ҳар ҳафта мулоқот қиламиз. "Челси"да бошимдан ўтказганларим учун миннатдорман. У ерда ажойиб вақт ўтказдим ва фаолиятимдаги энг муҳим совринлардан бирини қўлга киритдим," - дея бразилияликнинг сўзларини келтиради журналист Низаар Кинселла.
Тьяго Силва 2020-2024 йиллар давомида "Челси" шарафини ҳимоя қилган. Сентябрь ойида фахрий 41 ёшга тўлади.
