Мадриднинг "Реал" клуби ярим ҳимоячиси Жуд Беллингем Жамал Мусиалага мурожаат қилди.
Душанба куни "Бавария"нинг 22 ёшли футболчиси муваффақиятли операция қилинди, бу ҳақда мюнхенликлар расмий баёнотда маълум қилди.
Эслатиб ўтамиз, германиялик футболчи клублар ўртасидаги жаҳон чемпионати 1/4 финалидан ўрин олган "ПСЖ"га (0:2) қарши ўйинда дарвозабон Жанлуижи Доннарумма билан тўқнашиб кетиб, кичик болдир суягини синдириб олганди.
"Тезроқ соғайиб кет, биродар," - деб ёзди Беллингем "Бавария"нинг ижтимоий тармоқдаги постига.
Немис ОАВ маълумотларига кўра, Жамал Мусиаланинг тикланиши тўрт-беш ой давом этади.
