Madridning "Real" klubi yarim himoyachisi Jud Bellingem Jamal Musialaga murojaat qildi.

Dushanba kuni "Bavariya"ning 22 yoshli futbolchisi muvaffaqiyatli operasiya qilindi, bu haqda myunxenliklar rasmiy bayonotda ma’lum qildi.

Eslatib o‘tamiz, germaniyalik futbolchi klublar o‘rtasidagi jahon chempionati 1/4 finalidan o‘rin olgan "PSJ"ga (0:2) qarshi o‘yinda darvozabon Janluiji Donnarumma bilan to‘qnashib ketib, kichik boldir suyagini sindirib olgandi.

"Tezroq sog‘ayib ket, birodar," - deb yozdi Bellingem "Bavariya"ning ijtimoiy tarmoqdagi postiga.

Nemis OAV ma’lumotlariga ko‘ra, Jamal Musialaning tiklanishi to‘rt-besh oy davom etadi.