Германиянинг Адидас спорт бренди АҚШда бўлиб ўтаётган 2025 йилги клублар ўртасидаги жаҳон чемпионатининг ярим финал ўйинлари ва финалида фойдаланиладиган янги тўпни тақдим этди.

"Шаҳар чироқлари остида шон-шуҳрат. Клублар ўртасидаги 2025 йилги жаҳон чемпионати финалининг расмий тўпи билан таништирамиз", дейилади Х ижтимоий тармоғидаги адидас аккаунтида.

Эслатиб ўтамиз, дастлабки ярим финал ўйинида Бразилиянинг “Флуминенсе” ва Лондоннинг “Челси” клублари ўзаро куч синашади. Яна бир жуфтликда “Реал Мадрид” ва Франциянинг “Пари Сен-Жермен” жамоалари ўйнайди. Турнир финали 13 июль куни бўлиб ўтади.