Гранит Жакнинг "Байер"даги келажаги сўроқ остида қолмоқда. "Арсенал"нинг собиқ ярим ҳимоячиси ёзда жамоани тарк этиши мумкин.
Илгари Жаканинг эҳтимолий янги клуби деб ҳисобланган "Милан" охир-оқибат "Реал"дан Лука Модрични ўз сафига қўшиб олишга қарор қилди. Бироқ La Gazzetta dello Sport нашри тарқатган хабарга кўра энди швейцариялик футболчи учун курашга "Ювентус" ҳам қўшилди.
Гарчи туринликларнинг асосий мақсадлари "Ньюкасл"дан Сандро Тонали ва "Интер"дан Давиде Фраттези бўлиб қолаётган бўлса-да, улар билан битим тузиш осон бўлмайди. Шу боис, "Ювентус" Жакага эътибор қаратиши мумкин. Улар "Байер"нинг 12-15 миллион евролик молиявий талабларини қондиришга тайёр. Немислар 32 ёшли хавбекни қўлдан чиқармоқчи эмас, бироқ Жака якунда кетишга қарор қилса, халақит бермайди.
Қўшимча қиламизки, Жака 2024/25 йилги мавсумда "Байер" сафида 49 та ўйин ўтказиб, 2 та гол ва 7 та голли узатмани амалга оширди.
