2024/25 йилги мавсум якунларига кўра, "Лидс Юнайтед" Англия Премьер-лигасига қайтди, шу боис жамоа янги мавсум олдидан таркибни кучайтиришни мақсад қилган. The Athletic нашрининг нуфузли журналисти Дэвид Орнштейн берган эксклюзив маълумотга кўра, "товуслар" раҳбарияти "Ньюкасл" вакили Шон Лонгстаффни асосий нишон сифатида белгилаган.

Маълум бўлишича, "Лидс" 27 ёшли англиялик футболчининг трансфери учун бонусларни ҳисобга олган ҳолда "Ньюкасл"га 12 миллион фунт таклиф қилган.

Унинг клуб билан амалдаги шартномаси 2026 йилнинг июнь ойи охиригача мўлжалланган, шунинг учун "қарғалар" ёзда футболчини бир йилдан кейин текинга қўйиб юбормаслик учун сотиш ҳақида ўйламоқда.

Қўшимча қиламизки, Шон Лонгстафф "Ньюкасл" тарбияланувчиси ҳисобланади. У клуб сафида барча мусобақаларда 214 та ўйинда майдонга тушиб, 16 та гол ва 11 та голли узатмани амалга оширган. Transfermarkt сайтида унинг нархи 20 миллион еврога баҳоланмоқда.