2024/25 yilgi mavsum yakunlariga ko‘ra, "Lids Yunayted" Angliya Premyer-ligasiga qaytdi, shu bois jamoa yangi mavsum oldidan tarkibni kuchaytirishni maqsad qilgan. The Athletic nashrining nufuzli jurnalisti Devid Ornshteyn bergan eksklyuziv ma’lumotga ko‘ra, "tovuslar" rahbariyati "Nyukasl" vakili Shon Longstaffni asosiy nishon sifatida belgilagan.
Ma’lum bo‘lishicha, "Lids" 27 yoshli angliyalik futbolchining transferi uchun bonuslarni hisobga olgan holda "Nyukasl"ga 12 million funt taklif qilgan.
Uning klub bilan amaldagi shartnomasi 2026 yilning iyun oyi oxirigacha mo‘ljallangan, shuning uchun "qarg‘alar" yozda futbolchini bir yildan keyin tekinga qo‘yib yubormaslik uchun sotish haqida o‘ylamoqda.
Qo‘shimcha qilamizki, Shon Longstaff "Nyukasl" tarbiyalanuvchisi hisoblanadi. U klub safida barcha musobaqalarda 214 ta o‘yinda maydonga tushib, 16 ta gol va 11 ta golli uzatmani amalga oshirgan. Transfermarkt saytida uning narxi 20 million yevroga baholanmoqda.
