"Манчестер Юнайтед" вингери Жейдон Санчонинг "Ювентус"га қўйган молиявий талаблари маълум бўлди. 25 ёшли футболчи "Челси"да ижара асосида бир мавсумдан сўнг "Манчестер Юнайтед"га қайтди, аммо жамоа бош мураббийи Рубен Аморимнинг режаларига киритилмаган.
Хабарга кўра, "Юнайтед"да мавсумига 10 миллион евро оладиган Санчо "Ювентус"га ўтиш учун маошини камайтиришга тайёр. Қанот футболчиси Турин клубидан йилига 8 миллион евролик шартнома олмоқчи. "Ювентус" аллақачон футболчига йилига 5 миллион евро таклиф қилган ва ўз таклифини йилига 6 миллион евро ва бонуслар билан оширишга тайёр.
Миш-мишларга кўра, "Ювентус" Санчони "Манчестер Юнайтед"дан сотиб олиш учун 25 миллион евро тўлаши керак.
