Лондоннинг "Челси" клуби Бразилиянинг "Флуминенсе" клубини мағлуб этиб (2:0), клублар ўртасидаги жаҳон чемпионатининг илк финалчисига айланди.
Ярим финалда "кўклар"га жамоадаги иккинчи ўйинини ўтказган ҳужумчи Жоао Педронинг дубли ғалаба келтирди. 13 июль куни лондонликлар финалда Мадриднинг "Реал" ёки "ПСЖ" жамоаларига қарши майдонга тушади.
"Финалдаги потенциал рақибларимизнинг иккаласи ҳам топ-даражадаги жамоалардир. "ПСЖ" бу мавсумда, "Реал" ўтган мавсумда Чемпионлар Лигасида ғолиб бўлганди. Жуда кучли рақиблар, аммо биз финалга чиққанимиздан хурсандмиз ва муваффақиятимиздан фахрланамиз," - деди Мареска DAZN билан суҳбатда.
