"Челси" бош мураббийи Энцо Мареска ҳужумчи Жоао Педро трансфери олдидан Роберто де Дзерби билан қандай боғлангани ҳақида гапирди.

Лондон клуби бразилияликни "Брайтон"дан сотиб олди. "Чайкалар"да ўйнаган ҳужумчи ўтган йили "Марсель"га кетган де Дзерби қўл остида ишлаган.

Маресканинг тан олишича, Педро жамоа сафига қўшилишидан олдин ватандошига қўнғироқ қилган.

"Жоао ҳақида ҳамма нарсани билардим. У ҳақиқий бразилиялик футболчи - юзида табассум билан ўйнайди, жараёндан завқ олади. Ҳа, у ҳақда дўстим Роберто де Дзерби билан гаплашдим," - дея Маресканинг сўзларини келтиради журналист Бен Жейкобс.

Сешанба куни Жоао Педро дубль қайд этди ва клублар ўртасидаги жаҳон чемпионати ярим финалида "Челси"га "Флуминенсе"ни мағлуб этишга ёрдам берди (2:0).