"Барселона" ҳужум чизиғида кўпроқ вариантларга эга бўлишни истамоқда. Клуб турли имкониятларни ўрганмоқда ва "кўк-анорранглилар" радарида "Челси" форварди Николас Жексон пайдо бўлди. 24 ёшли сенегалликнинг лондонликлар сафидаги мавқеи Лиам Делап ва Жоао Педро трансферидан сўнг заифлашди. Бу Жексонни клубини ўзгартиришга ундаши мумкин.
Fichajes нашрининг хабар беришича, "Барселона" Жексонни ижарага олиши мумкин. Каталония клуби ҳужумчини кузатиб бормоқда, аммо ҳали музокараларни бошламаган, дея таъкидлайди манба.
Николас Жексон "Челси" сафида 81 та ўйинда майдонга тушиб, 30 та гол урган ва шерикларига 12 та голли узатмани амалга оширган.
