"Barselona" hujum chizig‘ida ko‘proq variantlarga ega bo‘lishni istamoqda. Klub turli imkoniyatlarni o‘rganmoqda va "ko‘k-anorranglilar" radarida "Chelsi" forvardi Nikolas Jekson paydo bo‘ldi. 24 yoshli senegallikning londonliklar safidagi mavqei Liam Delap va Joao Pedro transferidan so‘ng zaiflashdi. Bu Jeksonni klubini o‘zgartirishga undashi mumkin.

Fichajes nashrining xabar berishicha, "Barselona" Jeksonni ijaraga olishi mumkin. Kataloniya klubi hujumchini kuzatib bormoqda, ammo hali muzokaralarni boshlamagan, deya ta’kidlaydi manba.

Nikolas Jekson "Chelsi" safida 81 ta o‘yinda maydonga tushib, 30 ta gol urgan va sheriklariga 12 ta golli uzatmani amalga oshirgan.