"Реал"нинг собиқ ярим ҳимоячиси Тони Кроос Мадрид жамоасининг юлдуз ҳужумчилари - Винисиус Жуниор ва Килиан Мбаппега маслаҳат берди. Крооснинг фикрича, бразилиялик ва француз кўпроқ ҳимояга ёрдам бериши керак.
"Яхши футболчилар бирга ўйнашлари мумкин ва керак. Лекин улар ҳимояланиши ҳам керак. Мен учун ҳужум ва ҳимоя доим ажралмас бўлган," - дея Крооснинг сўзларини келтиради Goal портали Gazzetta dello Sport'га таяниб.
Эслатиб ўтамиз, Тони Кроос ўтган ёзда фаолиятини якунлаган эди. Германиялик футболчи "Реал" таркибида ўн мавсум ўтказди.
