"Рома" Ричард Риос учун курашда "Интер" ва "Порту"ни ортда қолдирмоқда.
Corriera dello Sport хабарига кўра, римликлар "Палмейрас" ярим ҳимоячисини ўз сафига қўшиб олишга жуда яқин турибди. Томонлар битимнинг якуний суммаси бўйича музокаралар олиб боришмоқда.
Бразилияликлар кафолатланган тўлов сифатида тахминан 20 миллион евро, шунингдек, умумий сумма 25 миллион еврога етадиган бонуслар олишлари мумкин.
Шунингдек, Риосга "Интер" ва "Порту" ҳам қизиқиш билдирган, уларнинг 17 млн евролик таклифи рад этилганди.
Аниқлик киритилишича, футболчи "Рома" билан 5 йиллик шартнома имзолаши ва бир мавсум учун 2,5 млн евро атрофида маош олиши мумкин.
