"Ювентус" "ПСЖ"га Рандаль Коло-Муани трансфери бўйича янги таклиф билан чиқди.
Айни пайтда ҳужумчи бўйича келишув ҳали тўлиқ келишилмаган, деб хабар беради Sportmediaset.
Шу муносабат билан туринликлар бош директори Дамьен Комолли жараённи тезлаштиришга қарор қилди. "Юве" парижликларга футболчини бир йилдан кейин 40 млн еврога мажбурий сотиб олиш шарти билан қайта ижарага олишни таклиф қилди.
"ПСЖ" бу таклифни жиддий кўриб чиқиши мумкинлиги айтилмоқда.
Коло-Муани январь ойидан бери "Ювентус"да ижара асосида ўйнамоқда. Франциялик футболчи А Сериянинг 16 ўйинида 8 гол ва 1 ассистни ўз ҳисобига ёздириб қўйган.













