"Интер" Марко Асенсиони ўз сафига қўшиб олмоқчи.

La Gazzetta dello Sport хабарига кўра, миланликлар қанот вингери трансферига икки марта яқин келган: 2023 йилда ва 2025 йилнинг январида. Ҳозир улар яна битим устида ишламоқда.

Сўнгги ярим йилни ижара асосида "Астон Вилла"да ўтказган испаниялик футболчи "ПСЖ"нинг режаларига кирмайди, шунинг учун агентлар унга янги жамоа қидирмоқда. Асенсиони 10-12 млн еврога сотиб олиш мумкинлиги айтилмоқда, чунки унинг шартномаси бир йилдан кейин тугайди.

Асосий тўсиқ сифатида маош кўрсатилмоқда. Ҳозир Марко солиқлардан кейин йилига 8 млн евро маош олади, у "Интер"га ўтиш учун талабларини жиддий пасайтиришга тўғри келади.