"Ноттингем Форест" клуби ҳужумкор ярим ҳимоячиси Морган Гиббс-Уайт "Манчестер Сити" билан шахсий шартнома борасида келишиб олди. Бу ҳақда Football Insider маълум қилди.
Манбага кўра, клублар ўртасида ҳали келишувга эришилмаган, аммо инглиз "Манчестер Сити"га ўтишга қарор қилгани қайд этилган.
Англия Премьер-лигасининг ўтган мавсумида 25 ёшли Гиббс-Уайт 34 та ўйинда майдонга тушиб, 7 та гол урди ва 10 та голли узатмани амалга оширди.













