"Ал-Ҳилол" Лондоннинг "Арсенал" клуби асосий мақсадларидан бирини сотиб олишга уриниб кўриши мумкин.
The Sun нашри хабарига кўра, Саудия Арабистони гранди ёзда "Наполи"дан Виктор Осимхенни ўз сафига қўшиб олишга кўндира олмаганидан сўнг "РБ Лейпциг"дан 22 ёшли Беньямин Шешкони сотиб олишни режалаштирмоқда. Аввалроқ, Словения терма жамоаси ҳужумчисини "Арсенал"га ўтиши мумкинлиги билан боғлашганди.
Қайд этилишича, уларнинг шорт-листида "Кристал Пэлас"дан Жан-Филипп Матета ва "Фиорентина"дан Мойзе Кин ҳам бор.
2024/25-йилги мавсумда Беньямин Шешко "РБ Лейпциг" сафида барча мусобақаларда 45 та ўйинда майдонга тушиб, 21 та гол урди ва 6 та голли узатмани амалга оширди.













