"Бенфика" Жоау Феликсни қайтариш устида иш олиб бормоқда.

Maisfutebolнашри маълумотларига кўра, лиссабонликлар музокараларда сезиларли ютуқларга эришган ва яқин соатлар ичида "Челси" ярим ҳимоячисининг трансферини келишиб олишларига ишонч ҳосил қилишган. "Бенфика" президенти Руй Коштанинг футболчи вакиллари билан учрашувидан сўнг жараён тезлашган.

Дастлаб "бургутлар" ўз тарбияланувчисини ижарага олишни режалаштирган, аммо охир-оқибат доимий асосда трансфер қилишга қарор қилишган.

Шу билан бирга, "Бенфика"дан Оркун Кекчю кетиши кутилмоқда. Инсайдер Фабрицио Романо хабар беришича, Португалия клуби ярим ҳимоячини "Бешиктош"га 25+5 миллион евро эвазига мажбурий сотиб олиш шарти билан ижарага беришга рози бўлган.