"Наполи" Виктор Осимхен трансфери учун "Галатасарой"дан банк кафолатларини талаб қилмоқда.
Турк клуби 26 ёшли нигериялик форвардни 75 миллион еврога сотиб олиш бандини фаоллаштиришга рози бўлди ва бу суммани 5 йил ичида тўлашни таклиф қилди.
Журналист Альфредо Педулланинг сўзларига кўра, айни дамда томонлар, жумладан Осимхеннинг вакили ҳам келишувга эришиш учун музокаралар олиб бормоқда. Футболчининг ўзи ҳам "Галатасарой"да ўйнашни хоҳлайди.
Аввалроқ журналист Жанлука Ди Марцио “Галатасарой” банк кафолатларини бера олмагани учун музокаралар тўхтатилгани ҳақида хабар берганди.
Осимхен ўтган мавсумда "Галатасарой"да ижара асосида ўйнаганди. Туркия чемпионатининг 30та учрашувида 26та гол урди ва 5та голли узатмани амалга оширди.
