Клублар ўртасидаги жаҳон чемпионати ярим финалида "ПСЖ"дан учралган 0:4 ҳисобидаги мағлубият "Реал"ни жиддий хулоса чиқаришга мажбур қилди. Marca хабарига кўра, Мадрид суперклуби яна марказий ҳимоячилар бозорига чиқди.
Манбага кўра, мадридликларни мавжуд марказий ҳимоячиларидан фақат янги ўйинчи Дин Хёйсен ишонтира олган. Антонио Рюдигер ва Рауль Асенсио хатоларга йўл қўйган бўлса, Давид Алаба жароҳат олди.
"Реал" радарида "Ливерпуль" вакили Ибраим Конате бор, аммо уни ёзда ўз сафига қўшиб олиш қийин бўлади. Француз бир йилдан кейин Мадридга эркин агент сифатида келиши мумкин. "Реал" бозорни ўрганмоқда, аммо "қаймоқранглилар" кимнидир сотиб олиши факт эмас.
