Klublar o‘rtasidagi jahon chempionati yarim finalida "PSJ"dan uchralgan 0:4 hisobidagi mag‘lubiyat "Real"ni jiddiy xulosa chiqarishga majbur qildi. Marca xabariga ko‘ra, Madrid superklubi yana markaziy himoyachilar bozoriga chiqdi.
Manbaga ko‘ra, madridliklarni mavjud markaziy himoyachilaridan faqat yangi o‘yinchi Din Xyoysen ishontira olgan. Antonio Ryudiger va Raul Asensio xatolarga yo‘l qo‘ygan bo‘lsa, David Alaba jarohat oldi.
"Real" radarida "Liverpul" vakili Ibraim Konate bor, ammo uni yozda o‘z safiga qo‘shib olish qiyin bo‘ladi. Fransuz bir yildan keyin Madridga erkin agent sifatida kelishi mumkin. "Real" bozorni o‘rganmoqda, ammo "qaymoqranglilar" kimnidir sotib olishi fakt emas.













